काठमाडौं– सर्वोच्च अदालमा सिफारि भएका पाँच जना न्यायाधीशरुको सुनुवाइ शुरु भएको छ ।
सुनुवाइका लागि संसदको संसदीय सुनुवाई समितिको बैठक ११ बजेको लागि बोलाइएको छ । आजको बैठकले पाँच जना न्यायाधीशविरुद्ध उजुरीको आह्वान गर्ने कार्यक्रम छ ।
न्यायपरिषद् बैठकले सर्वोच्च अदालतको न्यायाधीशमा पाँच जनाको नाम सिफारिस गरेको थियो । जसमा पूर्वमहान्यायाधिवक्ता हरि फुयाँल, वरिष्ठ अधिवक्ता कुमार रेग्मी, उच्च अदालत पाटनका मुख्य न्यायाधीश प्रकाश ढुंगाना, उच्च अदालत सुर्खेतकी मुख्य न्यायाधीश सुष्मलता माथेमा र मनोजकुमार शर्मा छन् ।
न्यायपरिषद् सर्वोच्च अदालतका लागि ५ र उच्च अदालतका लागि वैशाखसम्म नियुक्त हुने गरी १८ न्यायाधीशको नाम सिफारिस गरेको थियो। नाता पर्ने र विवादास्पद व्यक्तिलाई न्यायाधीशमा सिफारिस गरेको भन्दै आलोचना भइरहेको छ ।
