कपिलबस्तु– नेपाली कांग्रेसका सभापति शेरबहादुर देउवा हावाहुरी प्रभावित क्षेत्रको अवलोकनका लागि गएका छन् ।
सोमबार कपिलबस्तुमा आयोजना गरिएका कार्यक्रममा सहभागी भएर देउवा लुम्बिनीमा वास बसेका थिए ।
त्यहीबाट देउवा मंगलबार(आज) बारा र पर्साका हावाहुरी प्रभावित क्षेत्र अवलोकनका लागि लुम्बिनीबाट हेलिकप्टरमार्फत गएका थिए ।
प्रभावित क्षेत्रको अवलोकन पछि देउवाले विरगञ्जको नारायणी अञ्चल अस्पतालमा पुगेर घाइतेहरुको अवस्थाबारे जानकारी लिएका थिए ।
घाइते र उपचारबारे जानकारी लिएसँगै सभापति देउवाले घाइतेको उपचारमा अझै चुस्तता आवश्यक भएको बताए । उनले सरकारले केही चिकित्सक र स्वास्थ्यकमीहरु केन्द्रबाट पठाउनुपर्ने देखिएको बताए ।
घाइतेको उपचारका लागि आवश्यक स्वास्थ्यकर्मीहरुको प्रवन्ध गर्न उनले सरकारसँग आग्रह गरे ।
