स्मार्ट टेलिकमको लाइसेन्स खारेज

610

काठमाडौं,२० वैशाख | स्मार्ट टेलिकम प्रालिको अनुमति पत्र खारेज भएको छ। नेपाल दूरसञ्चार प्राधिकरणबाट आधारभूत टेलिफोन सेवाको अनुमति पत्र प्राप्त गरेको स्मार्ट टेलिकमको अनुमति पत्र खारेज भएको हो।

स्मार्ट टेलिकम कुमारीपाटी ललितपुरले अनुमति पत्र नवीकरणका लागि नियमअनुसार दस्तुर दाखिला गरी निवेदन पेश नगरेकोले अनुमति पत्र खारेज गरिएको हो। दूरसञ्चार ऐन २०५३ को दफा २५ को ५ बमोजिम स्मार्टको अनुमति पत्र स्वत: खारेज भएको नेपाल दूरसञ्चार प्राधिकरणले बुधबार निकालेको सूचनामा उल्लेख छ।

साथै अनुमति पत्र बहाल नरहेका दूरसञ्चार सेवा प्रदायकको सम्पत्ति व्यवस्थापन नियमावली अनुसार दूरसञ्चार पूर्वाधार संरचना लगायत प्राधिकरणलाई हस्तान्तरण गर्नसमेत प्राधिकरणले सूचित गरेको छ। स्मार्ट टेलिकमले सरकारी बक्यौता करिब ३ अर्ब, नवीकरण शुल्क २१ अर्ब र १५ प्रतिशत जरिवाना शुल्क गरी करिब २८ अर्ब रुपैयाँ बुझाउनुपर्ने थियो।

Previous articleरविलाई प्रधानमन्त्री बनाउन ओलीको प्रस्ताव
Next articleपूर्वमन्त्री टोपबहादुर रायमाझीका छोरा सन्दीप बुटवलबाट पक्राउ

Leave a Reply