गत साल पश्चिम रुकुम सोती गाउमा अन्तरजातीय विवाहको निहुमा तीन गाउका कथित उच्च जतियाहरुले लखेटी, चरम यातना दिएर नवराज विक र उनका ५ जाना साथीहरुलाई मारेर भेरी नदीमा फ्याकिदिए | त्यो संभवत: नेपालको इतिहासमै सबैभन्दा ठुलो जातीय नरसंहार मध्ये एक हो | जातीय अहंकार र घृणाको सभैभन्दा क्रुर रुप थियो त्यो |
उक्त जातीय हिंसाले नेपाली समाजको, नेपाली धर्मसंस्कारको, नेपाली सभ्यताको अन्तर्राष्ट्रिय बेइजती भएको सबैले महशुस गरेका छन् | तर, सांसद जनार्दन शर्माले संसदमा मुक्तकहरु आफै भेरी नदीमा हाम फालेर डुबेर मरेका भन्ने झुटो विवरण प्रस्तुत गरे | उनले आफ्ना पार्टीका मानिस र नातेदार अभियुक्तहरु संरक्षण गर्ने अभिप्रायले शक्तिले दुरुपयोग गर्दै कानूनी प्रक्रिया प्रभावित गरेको आम बुझाइ छ |
ती नै विवादित ब्यक्तिलाई नवनिर्मित देउवा सरकारमा अर्थमन्त्री नियुक्त गर्दा तमाम दलित/शिल्पी समुदायले घोर अपमान महशुस गरेको छ | हाल सर्वोच्च अदालतमा विचाराधिन मुद्धामा पीडित पक्षले (मगर र ठकुरी मृतकका परिवार समेतले) न्याय नपाउने खतरा समेत बढेर गएको छ |
छुवाछुत र जातिभेद नियन्त्रण गरी समाजमा न्याय, शान्ति, सद्धव, भाइचारा कायम गर्ने हाम्रो यो आन्दोलन र आवाजलाई साथ दिनुहुन राजनीतिज्ञ, पत्रकार, बुद्धिजिवि, नागरिक समाज लगायतक सम्पूर्ण न्यायप्रेमी दाजुभाई दिदीबहिनीहरुमा हार्दिक आहावान गर्दछौं |
