काठमाडौं– रुपन्देही सिद्धार्थनगर नगरपालिका वडा नं.१ बेलहिया बसपार्कमा प्रहरीले चेकजांच गर्ने क्रममा चितवन जिल्ला राप्ती नगरपालिका वडा नं–५ भण्डारा बस्ने १२ बर्षिय एक बालकले भारत सुनौलीबाट खरिद गरी आफ्नो शरिरको अगाडि र पछाडि टेपले बांधी लुकाई छिपाई ल्याउंदै गरेको अवस्थामा डाइजेपाम–६४, नुफिन–६४ र फेनारगन–६४ एम्पुल लगायतका लागु औषध सहित जिल्ला प्रहरी कार्यलय रुपन्देहीले पक्राउ गरिएको छ । उक्त बालकको नाम प्रहरीले खुलाएको छैन् ।
उक्त लागु औषध भारतमा भा रु १५,०००मा खरिद गरी चितवनमा बिक्री प्रयोजनको लागि लैजादै गरिएको थियो । चितवनमा उक्त लागूपर्दाथ ६५–७५ हजार सम्ममा बिक्री हुने गरेको प्रहरीले बताएको छ । निजलाई लागु औषध सम्बन्धी मुद्दा दायर गरी अनुसन्धान भईरहेको जिल्ला प्रहरी कार्यलय रुपन्देहीले बताएको छ ।
