७० वर्षे बिर्खबहादुरको काठमाडौं हेर्ने धोको

539

मुगु, पुस १६ । उमेरले ७० वर्ष कटे। तर अहिले सम्म काठमाडौं पुगेका छैनन्। उनलाई काठमाडौं हेर्ने असाध्यै ठुलो रहर छ। तर मुगु जिल्लाबाट सहज छैन काठमाडौं पुग्न। मृत्यु भन्दा अगाडी कम्तीमा नेपालको राजधानी हेर्ने रहर छ मुगु जिल्लाका ७० वर्षीय बिर्खबहादुर बुर्थबालाई। आफू सँग कुनै सिप नहुँदा काठमाडौं सहित देशका मुख्य सहरमा पुग्ने सपना ७० वर्षसम्म अधुरै रहेको उनको बुझाई छ।

२००८ साल चैत १६ गते मुगु जिल्लाको खच्याड गाउँपालिका को पैसेरी भन्ने स्थानमा जन्मेका बिर्खबहादुरलाई खेती किसानीलेनै आफ्नो ठाउँ छाडेर अन्त घुम्न जाने फुर्सद हुँदैन। २० हल गोरु लाग्ने जमिन आफ्नो भएकाले बाहिर गुम्न जान सक्ने अवस्था नआएको उनको भनाई छ। उसो त मुगु जिल्ला विकट मात्रै छैन गरिबी र अशिक्षा पनि उत्तिकै छ।

मुगु जिल्लाको रारा ताल नजिकै भेटिएका बुर्थबहादुरले आफू काठमाडौं जान नपाए पनि काठमाडौं सहित विभिन्न स्थानबाट रारा अवलोकनमा जाने पर्यटकलाई भेट्ने र देख्ने गरेका छन्। अरुको जिल्लामा रेलको बाटो पुग्दै छ रे भन्छन् गीतमा भनेझैँ हाम्रो तिर यही रारा आउने राजमार्गबाहेक अन्यत्र गाडी जाने अवस्था छैन उनले भने।

पाँच छोरा र पाँच छोरी सहित दश सन्तानका पिता बनेका बिर्खबहादुरका केही छोरा काठमाण्डौमा पनि बस्न थालेका छन्। छोराहरू काठमाडौँ बस्न थालेपछि भने बुढेसकालमै भए पनि काठमाडौँ हेर्न पाइनेमा उनी विश्वस्त छन्। आजको नागरिक दैनिकबाट

Previous articleलोगो फिर्ता गर्दैनन् पूर्वसांसद
Next articleपुष्प खड्का र सुमित्रा पौडेल स्टारर ‘माया बन्धन यो’ सार्वजनिक

Leave a Reply