काख्रे तामाङ भाषाको फरक धार बोकेको चलचित्र भन्दै नायक तथा कथाकार रितुराज पाख्रिन ले विभिन्न अन्तरवार्ता तथा सामाजिक संजालमा भन्दै आउनु भएको थियो । अन्तर वार्ता लिने मध्ये म पनि एक हुँ । मैले अन्तरवार्ता लिने क्रममा पनि उहाँले त्यही कुरा भन्नु भयो । लामो समय अन्तराल पछि आएको आफ्नो भाषा को चलचित्र भएकोले पनि म पनि उक्त चलचित्र हेर्न अलि उत्साहित नै थिए । असार १८ गते है भन्दै नायक तथा कथाकार रितुराज पाख्रिनले दिन दिनै फेसबुकमा सम्झाइ रहनु भएको थियो ।
म पनि त्यही दिन गन्दै बसे अनि एक दिन सोधे सर कति बजे हो १८ गते समय पनि अपडेट गरौं ना । उहाँ ले भन्नू भयो १२ बजे औपचारिक कर्यक्रम अनि १ बजे बाट चलचित्र शो हुन्छ । म पनि विभिन्न कार्यक्रममा हिडी रहने भएकाले नेपालमा भनेकै समयमा त पक्कै हुन्न होला भनेर म १२:४५ मा घर बाट निस्के, राष्ट्रिय नाचघर जमलमा पुगे । भनेकै समय मा कार्यक्रम भएर चलचित्र शो भयो कि भनेर रितुराज जि लाई सम्पर्क गरे । उहाँ ले आधा घन्टा जति अझै लाग्ने भन्ने जानकारी दिनु भयो । जानकारी पाए पछि म आफ्नो अफिस तिर लगे र अफिस बाट क्यामेरा र स्टेन्ड लिएर आए ।
माथी उल्लेख गरिएका काम सबै हुँदा लगभग २ बजेको थियो । लगभग २ बजे पछि औपचारिक कार्यक्रम सुरु भयो । हामी छोटो कार्यक्रम गर्छौ भन्दै कार्यक्रम संचालकले कार्यक्रम अगाडि बढाए । मैले सोचे होलनी यहाँ जति जना मानिसहरु उपस्थित थिए यी सबै चलचित्र हेर्न कै लागि आएका थिए । तर बिडम्बन धेरै समय लिन्न भन्द भन्दै कार्यक्रम यति लम्ब्यायो कि फिल्म हेर्न अएका दर्शक हरुले कार्यक्रम चाडो सकाउ भन्नू पर्यो । १ बजे सुरु हुने भनिएको चलचित्र लगभग ४ बजे सुरु गरियो |
अझ रोचक कुरा त के छ भने दर्शकले बिरोध स्वरुप हुटिङ्ग गरे पनि संचालकले कार्यक्रम अगाडी सन्चलन गरि रहे । दर्शक लाई भगवान मान्ने कलाकारहरूले त्यहाँ फिल्म हेर्न गएका दर्शक लाई मान्छे नै गनिएन। कार्यक्रम लामो भयो भनेर दर्शक चिच्याई रह्यो । कार्यक्रम संचालकले कार्यक्रम अगाडि बढाइ रहे ।
कार्यक्रममा भद्द मजक त झन जब भयो कार्यक्रम संचालक काख्रे फिल्म कै कलाकार हरुलाई सम्म्मन पत्र दिन सुरु गरे । कलाकार लाई सम्मान भनेको चलचित्रको प्रदर्शन पछि दर्शक को प्रतिक्रिया पछि दिदा पनि हुने थियो तर यहाँ यस्तो देखियो अफै भुत अफै धामि भने झै गरि रहे । अफै चलचित्र बनाउने आफै सम्मान गर्ने आफैं सम्मान लिने ! जे होस लामो पर्खाइ पछि चलचित्र
सुरु भयो | यसरी चलचित्र सुरु भए पछी टाढा टाढा पुग्नु पर्ने दर्शक हरुले चलचित्रको पहिलो पार्ट मात्रै हेरेर निस्किनु पर्यो |
प्रसङ्ग बदलौँ चलचित्र सुरु भयो सबै चलचित्र हेर्न मस्ता थिए | मेरो नितान्त व्यक्तिगत बिचारमा भन्ने हो भने फिल्म पहिलाको तुलनामा निकै राम्रो बनेको रहेछ | चलचित्रको कथा बस्तु देखि प्रस्तुति सबै पहिलाको तुलनामा निकै उत्कृस्ट लाग्यो | अरु समीक्षा भनेको फिल्म सम्बन्धित बिज्ञा तथा बिज्ञा तामाङ पत्रकार ज्यु हरुले गर्ला तर मैले मेरो मनमा उठेका केहि प्रश्न भने यहाँ राख्दै छु जो जस संग सम्बन्धित छ ध्यान जावस –
१ तामाङ चलचित्र संघका अध्यक्ष ज्यु को अनुसार प्रिमियर शो पछी सेन्सर हुन्छ रे तर प्रिमियर मै सा-सानो बालबालिका देखि सबै देखियो |
२ अब प्रिमियर मै चलचित्रका निर्माता टिम संग सल्लाह गरेर उमेर को निर्धारण गर्ने पो होकी ?
जे होस् चलचित्र जे जस्तो भएनी चलचित्र हेर्न आएका दर्शक हरुलाई यसरी औपचारिक कार्यक्रमको नाममा भद्दा मजाक नबनाइयोस् ….नत्र तामाङ चलचित्र ले फेरी दर्शक माझ हैन चलचित्र निर्माता र नायक नायिकाको आफ्नो परिवारको बीच मात्रै शो गर्ने दिन नआउला भन्न सकिन्ना ……..
