काठमाडौं– बारा र पर्सामा हावाहुरीमा परी घाइते भएकाको थप उपचार गर्न काठमाडौं ल्याइएको छ ।
गृहमन्त्रालयको समन्वयमा नेपाली सेनाको हेलिकोप्टर मार्फत घाइतेलाई काठमाडौं ल्याइएको छ ।
नेपाली सेनाको स्काई ट्रक विमानले ६ जना घाइतेलाई लिएर काठमाडौं आएको छ । घाइतेको वीर अस्पताल तथा त्रिवि शिक्षण अस्पतालमा उपचार हुनेछ ।
सरकारले हावाहुरीमा घाइते भएकाको उपचारमा कुनै कसर बाँकी नराख्ने भन्दै उद्धारलाई प्रभावकारी बनाएको छ ।
घाइतेहरुको प्रदेश २ सरकारले उपचार खर्च बेहोर्ने निर्णय गरेको छ ।
