काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। सोही क्रममा एनोनिमस् ब्याण्डको प्रस्तुतीमा रहेको पृथक गीत “माया बस्यो” सार्वजनिक भएको छ। एनोनिमस् ब्याण्ड बि.सं. २०५८ सालमा स्थापना भएको हो।
एनोनिमस् ब्याण्डले पहिला देश तथा बिदेशमा कार्यक्रम पनि लाईभ कन्सर्ट लगायत अन्य कार्यक्रमहरु पनि गर्दै आईरहेको थियो। तर बिबिध कारणले यो ब्याण्ड केही बर्ष गुमनाम रहेको थियो। हालः यस ब्याण्डमा आबद्ध रहेका ब्यक्तिहरुले डिजिटल बजारमा पनि गीत संगीत संगै लाईभ कन्सर्टहरुलाई निरन्तरता दिने सोच गरेको बताईएको छ।
गीत संगीतलाई निरन्तरता दिने क्रममा यस ब्याण्डले “माया बस्यो” नामक गीत सार्वजनिक गरेको हो। यस गीतमा राम ज्यापुको शब्द, संगीत र स्वर रहेको छ भने सञ्जिब डंगोलको बेस गीतार, सुन्दर टाको (टासी) को ड्रम, राजन साहु अनी निकेश लामाको गीतार रहेको छ। यस गीतको अडियोलाई प्रदिप जोशीले मिक्सिङ, मास्टरिङ गरेका हुन्।
सो गीतको भिडियोमा सरोज बुढाथोकीको कथा, निर्देशन, मुकेश नेपालीको कोरियोग्राफी रहेको छ। रेशम दर्लामीले छायांकन गरेको भिडियोलाई निरज सापकोटाले सम्पादन, श्याम कुमारले रंग संयोजन गरेका हुन्। उक्त गीतको भिडियाोमा बिकेश प्रजापती र जुना बिश्वकर्माको अभिनय रहेको छ। सो गीतलाई Anonymous Band नामक युटुब च्यानलबाट सार्वजनिक गरिएको हो। “माया बस्यो” गीतलाई मुस्ताङ र जलजलाको रमणिय दृश्यहरुमा छायांकन गरिएको हो।
