नारायण कुमार राई,धनकुटा १७ बैसाख ।नेकपा एमालेका तर्फबाट छथर जोरपाटी पालिकाका अध्यक्षका उमेद्वार शेरबहादुर लिम्बूले जनताहरुले आफूलाई बिजयी गराए पालिकामा तरकारी सुपर जोनको कार्यक्रम लागु गर्ने बताउनुभएको छ ।
शनिबार नेकपा एमाले छथर जोरपाटी गाउँ कमिटी वडा नं.२ ले सल्ले र सुरुङ्गीमा आयोजना गरेको चुनावी सभाहरुलाई सम्बोधन गर्दै लिम्बूले यस्तो प्रतिवद्धता जनाउनुभएको हो ।
पालिका क्षेत्रमा हाल सञ्चालित तरकारी जोनको कार्यक्रमको अबधि पुरा हुन लागेकोले अब त्यसको बिकसित अर्को कार्यक्रम सुरपर जोन आवश्यक भएको बताउनु भयो ।
‘तरकारी जोनको अबधि सकिन लागेको छ, त्यसैले मलाई बिजयी गराउनुभयो भने सुपर जोन सञ्चालनमा ल्याउने घोषणा गर्दछु ।’–लिम्बूले बताउनु भयो ।
सुपर जोन सन्चालन अन्तर्गत पालिका क्षेत्रमा उत्पादित तरकारी तथा कृषि उपजमा आधारित उद्योग र कलकारखानाहरु स्थापना गरिनेछ । जसका कारण स्थानिय स्तरमा उत्पादित तरकारी तथा कृषि उपज यही खपत हुने र यूवाहरुले समेत रोजगारी पाउनेछन् ।
यो योजनालाई थप सफल पार्न निर्माणाधिन औधोगिक ग्राम स्थापना पुरा गरेर स्थानीय स्रोत साधनमा आधारित उद्योग सञ्चालन गरिनेछ । र पालिका क्षेत्रमा रहेको बाँझो रहेका खेती योग्य जमिनहरुलाई भूमी बैंकको रुपमा स्थापना गरी उक्त जमिनमा ठूलो मात्रामा व्यबसायीक कृषि तथा पशुपालन फर्महरु सन्चालन गरिनेछ ।
उक्त उद्योग तथा फर्महरुमा दैनिक ८ घण्टाका दरले काम गर्नेगरी एक घर एक रोजगार दिने लिम्बूले घोषणा गर्नुभयो ।
आफूले घोषणा गरेको यो योजना छिमेकी मूलुक चीनमा सफल रुपमा लागु भएकाले यहाँ पनि गर्न सकिने बताउनुभयो ।
त्यस्तै उप–प्रमुखका उमेद्वार गोमा कार्कीले पहिलो कार्यकालमा एमालेको नेतृत्वमा शुरु भई सन्चालनमा रहेका कामहरु पुरा गर्न आफू लगाएत सबै उमेद्धारलाई बिजयी गराउन आग्रह गनुभयो ।
एउटा पाटीले शुरु गरेको कार्यक्रम अर्को पाटीको सरकार आएमा त्यो पुरा नगर्ने नेपाली राजनैतिक परिपाटीको उदाहरुण दिंदै काकीले हिजोका योजना पुरा गर्न एमालेलाई बिजयी गराउनुको बिकल्प नरहेको बताउनुभयो ।
उमेद्वारहरुको कुराहरुको समर्थन गर्दै कार्यक्रममा उपस्थित नेताहरुले केपीओली नेतृत्वको सरकारले धनकुटाको लागि छुट्याएको १० अर्ब बजेटमा ६ अर्ब रकम गठबन्धनको सरकारले कटौती गरेकोे नजिर पेश गरेका थिए ।
सभामा नेकपा एमाले प्रदेश कमिटी सदस्य बलदिप राई,जिल्ला कमिटी तथा सचिवालय सदस्य भीमकला श्रेष्ठ, गाउँ कमिटी अध्यक्ष ईन्द्रसारु मगर र वडाका कार्यवाहक अध्यक्ष बाबुराम कार्कीले आफ्ना उमेद्वारहरुले गरेको प्रतिवद्धता पुरा गराउने जिम्मा पाटीका तर्फबाट आफूहरुले लिने बचन दिनुभयो ।
सभामा वडा अध्यक्षका उमेद्वार तारा राना मगर,खुल्ला रदस्यका उमेद्वारहरु बीरबहादुर सारु मगर र जीतबहादुर लिम्बू, महिला सदस्य जानुका कार्की,महिला दलित सददस्य जानुका नेपालीले सात सूर्य चिन्हमा सात छाप लगाएर आफूहरुलाई बिजयी गराउन आग्रह गर्नुभएको थियो ।
