ई–पासपोर्ट छिटो बनाउन सरकारी छाप किर्ते गर्ने १२ जना पक्राउ

343

काठमाडौं, २ चैत

विद्युतिय पासपोर्ट (ई–पासपोर्ट) छिटो बनाउन राहदानी विभागमा किर्ते सरकारी छाप प्रयोग गरी ठगी गरेको आरोपमा प्रहरीले १२ जनालाई पक्राउ गरेको छ ।

महानगरीय प्रहरी वृत्त कालिमाटीबाट खटिएको प्रहरीले मंगलबार साँझ उनीहरुलाई पक्राउ गरेको हो ।

पक्राउ पर्नेहरूमा काठमाडौं रोल्पा माडी गाउँपालिका–१ का २९ वर्षीय अमृत थापा, रोल्पा माडी गाउँपालिका–४ का २४ वर्षीय प्रज्वल खड्का, बाग्लुङ नगरपालिका–८ का ३० वर्षीय रञ्जित कार्की, म्याग्दी बेनि नगरपालिका–५ का ३३ वर्षीय रामजी परियार, ललितपुर महांकाल घर भएकी ३६ वर्षीया गोमा बजगाई र पाल्पा पूर्व खोला गाउँपालिका–५ का ३३ वर्षीय जिवन कुमार श्रेष्ठ रहेका छन् ।

यस्तै, रामेछाप गागल गाउँपालिका–८ का ३७ वर्षीय मिठे मगर, ललितपुर महाकाल गाउँपालिका–२ का रमेश बजगाई, काभ्रेपलाञ्चोक कटुन्जेबेशी गाउँपालिका–४ का २५ वर्षीय सन्दिप मैनाली, सिन्धुली दुधौली नगरपालिका–६ का २१ वर्षीय अभिषेक मगर, दैलेख आठबीस नगरपालिका–३ का २२ वर्षीय निरञ्जन तिवारी र धादिङ थाक्रे गाउँपालिका–४ का २४ वर्षीय मदन तामाङलाई पनि प्रहरीले पक्राउ गरेको छ ।

प्रहरीले उनीहरूको साथबाट किर्ते गरिएका विभिन्न सरकारी कागजातहरू ४ थान, मोबाइल १४ थान तथा विभिन्न सरकारी एवम् निजी छाप २० थान समेत बरामद गरेको छ ।

उनीहरूमाथि किर्ते गर्न नहुने कसूर मुद्दामा महानगरीय प्रहरी वृत्त कालिमाटीबाट थप अनुसन्धान भइरहेको छ ।

Previous article७० प्रतिशत स्थानीय तहमा विजयी हासिल गर्नेगरी एमाले चुनावमा होमिने
Next articleएमालेसँग चुनावी तालमेलको ढोका खुलै छ : वर्षमान पुन

Leave a Reply