जापानले विराटनगरमा खानेपानी व्यवस्थापन गर्न २.७ अर्ब रुपैयाँ अनुदान सहयोग दिने

405

काठमाडौं, २६ फागुन

जापान सरकारले नेपाललाई २.७ अर्ब रुपैयाँ अनुदान सहयोग दिने निर्णय गरेको छ । विराटनगरमा खानेपानी व्यवस्था सुधारको लागि उक्त रकम दिन लागिएको काठमाडौंस्थित जापानी दूतावासले जनाएको छ ।

उक्त अनुदान सहयोग उपलब्ध गराउने सम्बन्धी नोटमा नेपालको तर्फबाट अर्थ सचिव मधुकुमार मरासिनी र जापानको तर्फबाट जापानी राजदूत किकुता युताकाले हस्ताक्षर गरेका छन् ।

यो सहयोगले विराटनगरका जनताको जिवनस्तर उकास्न सहयोग पुर्याउने विश्वास जापानी दूतावासको छ ।

सहयोगबाट विराटनगरका एक लाख जनता लाभान्वीत हुने जनाइएको छ ।

Previous articleयु-१८ साफ : प्रितीको कप्तानीमा नेपाली टोलीको घोषणा
Next articleएक लाख म्यादी प्रहरी भर्ना गर्न अर्थ मन्त्रालयको स्वीकृति

Leave a Reply