फुङ्लिङमा बुष्टरडोज दिइने, बालबालिकालाई दाेस्राे खाेप

426

ताप्लेजुङ,१५ माघ

ताप्लेजुङकाे फुङलिङ नगरपालिकामा कोभिडशिल्ड खोपको दोस्रो मात्रा लगाएकालाई नियमित खोप केन्द्रमार्फत बुष्टरडाेज दिइने भएको छ ।

१५ माघ २०७७ देखि २०७८ असार मसान्त सम्म काेभिशिल्ड लगाएका ६० वर्षभन्दा माथि उमेर समूहका, दीर्घरोगी, अग्रपंक्तिमा खटिने र सामाजिक कार्यमा अग्रसर हुनेलाइ प्राथमिकता दिएर बुष्टरडोज सञ्चालन गर्ने निर्णय जिल्ला खोप अनुगमन तथा व्यवस्थापन समितिले गरेकाे हाे ।

स्वास्थ्य कार्यालयका खोप सुपरभाइजर दिनेश रायका अनुसार फुङ्लिङ नगरपालिका- ४ वडा कार्यालय र तोक्मेडाँडामा नियमित खोप सञ्चालन भइरहेकाे छ । तिनै खोपकेन्द्रमार्फत बुष्टरडोज दिइने स्वास्थ्य कार्यालय ताप्लेजुङका निमित्त प्रमुख राजकुमार पोखरेलले जानकारी दिए ।

यसअघि खोपको पहिलो मात्रा लगाएका बालबालिकालाई १६ माघबाट २१ गतेसम्म दोस्रो मात्रा लगाइने भएको छ ।

स्वास्थ्य कार्यालयका खोप सुपरभाइजर दिनेश रायका अनुसार १६ माघदेखि १८ सम्म फुङ्लिङ नगरपालिकाभित्र तथा १७,१८,१९ र २० माघमा  पाथीभरा याङ्वरक,आठराइ त्रिबेणी,मैवाखोला र मेरिङ्देन गाउँपालिकामा खोपको दोस्रो मात्रा लगाइने भएको छ ।

१८,१९ र २० माघमा  सिङ्विा,सिरिजंगा र मिक्वाखोला गाउँपालिकामा मोर्डना खोपको दोस्रो मात्रा लगाउने गरी कार्यतालिका तयार भएको उनले जानकारी दिए ।

PreviousNext

Previous articleबेलायती वैज्ञानिकले बनाए सस्तो कोरोना परीक्षण यन्त्र
Next articleस्थानीय तहको निर्वाचन कहिले ? सत्तागठबन्धनकाे बैठक आज पनिस्थानीय तहको निर्वाचन कहिले ? सत्तागठबन्धनकाे बैठक आज पनि

Leave a Reply