राष्ट्रपति, उपराष्ट्रपति र प्रधानमन्त्रीले दिए छठ पर्वको शुभकामना

517

काठमाडौं, २४ कात्तिक | आज छठ पर्व । छठ पर्वका अवसरमा राष्ट्रपति विद्यादेवी भण्डारी, उपराष्ट्रपति नन्दबहादुर पुन र प्रधानमन्त्री शेरबहादुर देउवाले शुभकामना शुभकामना दिएका छन् ।

राष्ट्रपति भण्डारीले छठ पर्वले समाजमा विद्यमान वर्गीय, जातीय, लैंगिकलगायत विभेद अन्त्य गर्ने विश्वास व्यक्त गरेकी छन् । छठले भौगोलिक, सामाजिक तथा सांस्कृतिक विविधतायुक्त समाजमा आपसी एकता, सद्भाव र बन्धुत्वको भावनालाई प्रगाढ बनाउँदै राष्ट्रिय एकतालाई थप सुदृढ गर्न मद्दत पुग्ने उनको विश्वास छ।

उपराष्ट्रपति पुनले छठ विशेषगरी तराई क्षेत्रमा अस्ताउँदो र उदाउँदो सूर्यको पूजा गरी मनाइने सूर्य उपासना परम्पराको मोहक पद्धति मानिएको बताएका छन् । ‘पारिवारिक कल्याण, सन्तान सुख तथा मनोकामना पूरा हुने विश्वासका साथ मनाइने छठ पर्वले नेपालीबीच आपसी सद्भाव, सहिष्णुता, भाइचारा र एकता अभिवृद्धि गर्दै राष्ट्रिय एकतालाई थप सुदृढ् गर्नेमा म विश्वस्त छु,’ पुनले भनेका छन्, ‘कोरानाको जोखिम अझै कायमै रहेकाले स्वास्थ्य सुरक्षाको नियम पूर्ण पालना गरी छठ मनाउन आग्रह गर्दछु ।

प्रधानमन्त्री देउवाले चाडपर्व विविधताभित्र एकता र सामाजिक सद्भाव राख्ने सांस्कृतिक अभ्यासका उदाहरण भएको बताएका छन् । सद्भाव र एकतालाई प्रवद्र्धन गर्ने उदाहरणीय पर्वमध्येको छठ पर्व पनि एक भएको बताउँदै देउवाले यस पर्वले समस्त नेपालीबीच आपसी सम्बन्ध अझ प्रगाढ बनाउने विश्वास व्यक्त गरेका छन् ।

Previous articleधनकुटामा मंसिर ४ र ५ गते दोस्रो एभोकाडो महोत्सव हुने ,
Next articleमोटरसाईकल दुर्घटनामा परी एक जनाको मृत्यु

LEAVE A REPLY

Please enter your comment!
Please enter your name here